لحجز الجلسات

انا زوجة و أم لأربعة أبناء كان عندي حلم إني أعيش حياة ناجحة مافيهاش مشاكل وأقدر أربي اولادي كويس و يكونوا ذرية صالحة و لكن أولادي كانوا بيتعبوا كتير وكنت لازم أروح للدكتور كل أسبوع بحد فيهم و ساعات بيهم كلهم و بدأت انا كمان اتعب كل شوية علي فترات وبدء يجيلي أمراض غريبة ومش متناسبة مع سني

اخرهم جالي التهاب شديد في الغدة الدرقية وسكري بيوطي بيبقي ٣٠ ويجيلي إغماء حتي لو انا سايقة ودي كانت مصيبة والدكاترة الكبار اجمعوا إني هعيش بالدوا طول حياتي لإن الغدة مالهاش علاج وشوية الغدة تبقي نشطة جدًا جدًا وشوية تبقي كسلانة جدًا جدًا واخد أقراص كتير يوميًا من الدوا بتاعها طبعًا مينفعش اوقفه كمان ظهرلي أورام بس الحمد لله حميدةوالدكتور قالي خدي بالك من أكلك لإن عندي تاريخ مرضي بالسرطان و الاورام دي فيه احتمال انها تبقي خبيثة

حسيت ان حياتي مليانة دكاترة وادوية و تعبانة علطول مش عارفة أعمل حاجة مابقدرش اشيل صينية غير لما تقع و مش عارفة اراعي اولادي ولا بيتيوهما وزوجي اللي شايلني دي كانت بجد أصعب فترة عدت عليا في حياتي كلها اتحسنت شوية و نسبة الغدةاتظبطت شوية و بقيت بتحرك

نزلت جيم وبالصدفة شفت فيديو بتاع دكتور ريموند فرانسيس وازاي بقي في سنه بدون أمراض فقط بمنعه للسكر والحجات المضرة

بدأت امشي علي نفس الخطوات وقفت أكل الحاجات اللي ممكن تضرني واخد كورسات تغذية وأعرف أكتر عنها واجرب وأفشل لحد ما نجحت
حبي للطبخ خلي موضوع إني أستخدم البدائل أسهل بكتير مع كمان اني واخدة كورسات طبخ

مشيت عالنظام ده شهور وزوجي واولادي انضموا ليا الحمد لله بعدها حياتي مشيت للأحسن

دلوقتي انا مش مريضة الحمد لله مباخدش أدوية لاي حاجة ولا حتي أسبرين وأولادي مبيروحوش للدكتور كل شوية نعمة وفضل من عند ربنا

زوجي خس ووصل للجسم اللي كان نفسه فيه -

طاقة جسمي عالية وبصحي نشيطة جدًا و بعرف أراعي بيتي و

عيالي

ماعنديش أورام كلها راحت معرفش ازاي وماعنديش غدة و

بعمل تحاليلي كل ٦ شهور بانتظام بقالي أكتر من سنتين الحمدلله

موقفة سكر ودقيق أبيض و أسمر وكامل ومشتقات القمح والذرة والرز الأبيض وكل ما هو معدل وراثيًا

بدلت كل ده بخضار وفاكهة اورجانيك وبدائل صحية للدقيق زي جوز الهند والشوفان وبدايل للسكر - زي العسل الأبيض والتمر وفيه بدايل تانية كتيييير

نفسي الناس تعرف ان الأكل اللي بيتعمل في البيت افيد وأطعم-

وممكن يتعمل في وقت قليل -

وممكن يتعمل بأقل التكاليف -

وممكن يعيشوا حياتهم مبسوطين بدون أمراض -

حياتنا حلوة بس احنا اللي بنبص ازاي نخليها وحشة -

بكالوريوس تربية فنية بدرجة امتياز مع مرتبة الشرف -

هيلث كوتش معتمدة من أكاديمية دكتور سيرز بامريكا -

عضوبجمعية الطهاة المصريين -

شيف معتمد من جمعية الطهاة المصريين -

شهادة معتمدة من جمعية الطهاة المصريين في حساب تكلفة الاغذية

شهادة معتمدة من جمعية الطهاة المصريين في تصميم وتخطيط قائمة الطعام

شهادة معتمدة من جمعية الطهاة المصريين في التغذية الصحية السليمة

APG شهادة لايف كوتشنج -

PEAT & EFTشهادة في تحرير المشاعر النفسية بتقنيتي -